البراونيز حلوى شهية بحبها أغلب الناس بغض النظر عن العمر. بس في نوعين من الدهون اللي تستخدم لتحضيرها - الزيت أو الزبدة
مع أنه التنين بينتج عنهم براونيز طيبة، بس كل واحد فيهن اله تأثير معين. بالمدونة حنكتشف الاختلافات بين البراونيز المعمولة بالزيت و المعمولة بالزبدة، و حندرس الاختلاف بالقوام و اللون و الطعم و الشكل

١- القوام: البراونيز المعمولة بالزيت غالباً الها قوام طري و رطب. و هالشي بيرجع لخصائص الزيت يلي بتساعد الخليط يكون ناعم أكتر. فبتكون النتيجة قطعة لذيذة و هشة القوام. بينما البراونيز اللي بتتحضر بالزبدة بتعطي قوام كثافته أكتر بسبب طبيعة الدهون الصلبة. في ناس بتفضل هالقوام لأنه بتكون نكهة الشوكولا فيه ممتعة أكتر

٢- اللون: بتأثر مصادر الدهون على لون البراونيز. البراونيز المعمولة بالزيت بضل لونها أفتح وقت الخبز. فبتحتفظ بلون دهبي. و هالشي بيرجع للزيت يلي ما بيتحمّر لنفس الدرجة اللي بتتحمر فيها الزبدة وقت تتعرض لدرجة حرارة عالية. و بالمقابل بتعطي الزبدة لون بني أغمق للبراونيز. فبكون شكلا جذاب أكتر

٣- الطعم: ممكن يأثر اختيار نوع الدهون المستخدمة بشكل كبير على طعم البراونيز. فالبراونيز المعمولة بالزيت طعمها معتدل أكتر و هالشي بيسمح لغنى طعم الشوكولا يظهر بشكل أكبر. و بالمقابل البراونيز المصنوعة من الزبدة بتعطي لمسة خفية بتكمّل الشوكولا. و هالشي بيعطي مزيج نكهات ممتع

٤- المظهر: بيتأثر شكل البراونيز بالدهون المستخدمة بالوصفة. فالبراونيز المعمولة بالزيت غالباً الها قشرة ناعمة و عم تلمع. و هالشي بيعطيها شكل أنيق. بالمقابل البراونيز المعمولة بالزبدة الها قشرة مشققة. و هالشي كمان ممكن يضفي عليها شكل جذاب للبعض

طيب هل فينا نمزج الزبدة و الزيت سوا وقت نحضر براونيز؟
الجواب: نعم

دمج الزبدة و الزيت بخليط البراونيز بيعطي نتائج مميزة، هالطريقة بتجمع بين ميزات كل مصدر من مصادر الدهون لتعطي براونيز متناسقة و مغرية بنفس الوقت. فبتعزز بين القوام و النكهة لتعطي تجربة مميزة

بس دمج الزيت و الزبدة الو أصول. لأنه الزيت الكتير بخلي البراونيز رطبة بشكل زايد، و الزبدة الكتيرة ممكن تعطي قوام كثيف و دهني
النسبة المثالية عادةً بتكون: جزئين من الزبدة مقابل جزء واحد من الزيت

مثال: إذا حطينا ٢٠٠غ زبدة لازم نحط ١٠٠غ زيت. و هالتوازن بيضمن أنه غنى الزبدة بكون حاضر و بنفس الوقت تكون البراونيز طرية و رطبة بسبب الزيت

القوام: الزيت و الزبدة بالبراونيز بيعطوا قوام رائع للبراونيز، فالزيت متل ما حكينا بيعطي هشاشة و بحافظ عالرطوبة المطلوبة، و الزبدة بتعطي لمسة من الغنى. هالثنائية بتخلق توازن مثالي بالقوام. و هالشي بيرضي أي حدا بفضل تجربة لطيفة بتدوب بالتم و يلي يستمتع ببراونيز كثيفة

النكهة: دمج الزيت و الزبدة بالبراونيز بيفتح باب لنكهات مميزة، و هالشي يعزز نكهة الكاكاو. و بنفس الوقت الزبدة بتعطي طابع خاص الها و يلي بيعطي نكهة أغنى.

الشكل: الجمع بين الزبدة و الزيت بيعطي خليط متوازن بيعطي البراونيز لون متجانس و قوام حلو

الاختيار بين الزبدة و الزيت أو حتى الدمج بيناتن بيرجع لذوق اللي عم يحضر البراونيز. و أكيد اختيار الكاكاو اللي جودته عالية بيعطي طعم لذيذ لأي طريقة بتحضيرها